მიმდინარე მდგომარეობის მიმოხილვა 30/11/2020

მიმდინარე მდგომარეობის მიმოხილვა 30/11/2020

1. რეპროდუქციის კოეფიციენტების მიმდინარე მნიშვნელობა:

Table 1: რეპროდუქციის კოეფიციენტები 30/11/2020

მყისიერი რეპროდუქციის კოეფიციენტი	Rt=1.06±0.1
რობერტ კოხის ინსტიტუტის კოეფიციენტი	RRKI=1.21

• Rt>1 ნიშნავს, რომ ეპიდემია იმყოფება ზრდის ფაზაში (Rt<1 ნიშნავს, რომ ეპიდემია იმყოფება კლების ფაზაში);

• R_RKI>1 ნიშნავს, რომ ბოლო რამდენიმე დღის განმავლობაში (ლოკალურად) ასევე ადგილი ჰქონდა ზრდის ტენდენციას;

2. მყისიერი რეპროდუქციის კოეფიციენტის ევოლუცია 01/11/20 შემდეგ

Figure 1: შავი ჰორიზონტალური ხაზი აღნიშნავს კრიტიკულ მნიშვნელობას Rt=1.

ის ფაქტი რომ რამდენიმე კვირის განმავლობაში Rt>1 ნიშნავს, რომ:

• მთელი ეს პერიოდი სტაბილურად ვიმყოფებით ზრდის ფაზაში;

• Lockdown-ის შემოღების გარეშე არ არსებობდა რაიმე წინაპირობა ან ნიშანი, რომ უახლოესი კვირების განმავლობაში მოსალოდნელი იყო კლების ფაზაში გადასვლა;

 

3. დადასტურებული შემთხვევების რაოდენობის პროგნოზი 29/11/2020-05/12/2020 პერიოდში

თუკი 22/11/20-28/11/20 პერიოდში (7 დღე) სულ დაფიქსირდა 27258 დადატურებული შემთხვევა (დღეში საშუალოდ 3894), მაშინ (იმ დაშვებით, რომ მომდევნო 7 დღის განმავლობაში Rt დარჩება ცხრილში 1 მითითებულ ცდომილების ინტერვალში და ჩატარებული ტესტების რაოდენობა დაახლოებით იგივე იქნება) მოსალოდნელი დადასტურებული შემთხვევების რაოდენობაა 30500±4000, ანუ დღეში საშუალოდ 4350 შემთხვევა.

ვინაიდან Lockdown-ის გამოცხადებიდან მეორე კვირაში უკვე უნდა გამოჩნდეს მისი შედეგები (უფრო ზუსტად იმის ანალიზს, როდის უნდა ველოდოთ Lockdown-ის პირველ შედეგებს ხვალ ან ზეგ შემოგთავაზებთ), არსებულ მასალაზე დაყრდნობით უფრო გრძელ დროის შუალედზე პროგნოზირებას აზრი არ აქვს.

 

4. მდგომარეობა რეგიონალურ ჭრილში

Figure 2. კოხის ინსტიტუტის რეპროდუქციის კოეფიციენტი ბოლო 3 დღის განმავლობაში (28-30.11.2020) რეგიონების მიხედვით. რაჭა-ლეჩხუმ-ქვემო სვანეთის მონაცემები არ არის მოყვანილი სტაისტიკური არასანდოობის გამო.

კოხის ინსტიტუტის რეპროდუქციის კოეფიციენტს დიდი ცდომილება ახასიათებს ქვეყნის მასშტაბითაც კი. ამიტომ, კონკრეტული რეგიონისთვის R_RKI-ს მნიშვნელობა არ შეიძლება უშუალოდ იქნას გამოყენებული რაიმე დასკვნების გამოსატანად. ამ მონაცემების დანიშნულება არის უფრო ‘მაღვიძარა’-ს ფუნქცია, რომ რომელიმე რეგიონში ლოკალური მიკროაფეთქების საშიშროება არ გამოგვეპაროს.

როგორც გრაფიკიდან ჩანს, დღეის მონაცემებით საგანგაშო სიტუაცია (რომელიც ნამდვილად იქნებოდა R_RKI>2 შემთხვევაში) არცერთ წარმოდგენილ რეგიონში არ არის.

 

 

დროითი მწკრივების ანალიზის ჯგუფი

გიგა ღოღობერიძე, ასოცირებული პროფესორი, grigol_gogoberidze@iliauni.edu.ge

ნათია კევლიშვილი, დოქტორანტი, natia.kevlishvili.1@iliauni.edu.ge

მიხეილ სულიკაშვილი, მაგისტრანტი, mikheil.sulikashvili.1@iliauni.edu.ge

კატო წულაძე, მაგისტრანტი, ekaterine.tsuladze.2@iliauni.edu.ge

30/11/2020